Zerba-kroketak

Ohikoa eta aldi berean berritzailea den errezeta. Gure ortuko produktu handi batez familian gozatzeko modua. Gainera, izoztu dezakegun errezeta da, gero gura dugunean kontsumitzeko.

Osagaiak:

• 2 eskutada zerba
• 2 patata handi
• Irina
• Arrautza
• Ogi birrindua
• Gatza
• Olioa

Egiteko modua:

1. Patatak zuritu eta moztu zati ez oso handitan. Kazola batean egosi ur eta gatzetan 10 minutuz gutxi gorabehera, patataren lodieraren arabera. Kendu ura eta laga hozten.
2. Zerbak garbitu. Zati txikitan moztu eta, 5 minutuz gutxi gorabehera, irakin ur eta gatzetan  estalitako kazola batean. Kendu ura eta laga hozten.
3. Katilu batean, erantsi patata egosiak eta zanpatu sardexkaren laguntzaz.
4. Zerbak birrindu irabiagailuaz eta katilura bota.  Nahastu ongi bi osagaiak eta hartu gatz-puntua.
5. Kroketei forma eman, eta pasa irin, arrautza eta ogi birrindutan (ordena horri jarraituz).
6. Frijitu kroketak zartaginean olio berotan. Nahi baduzu, labean ere egin daitezke, 200ºC-tan, landare-papera duen erretilu batean urre kolorea hartu arte (gutxi gorabehera 10-15min). Honela kaloria gutxiago izango dituzte.
7. Izoztu gainerakoak.

Laiene Jatetxearen eskutik