data-page-id="blog-post">

Zelan konfitatu piper gorriak

Osagaiak:

  • 2 flasko piper gorri zerrendetan (“Leartibai” Laneko)
  • 250 ml oliba-olio birjina estra
  • 6 berakatz-ale zurituta eta osorik

Prestaketa:

  1. Aurrez berotu labea 160ºC-tan (beroa goian eta behean).
  2. Xukatu edo kendu piperrei kontserbako zukua, eta gorde zuku hori.
  3. Ipini su txikian zartagin zabal bat olioarekin, eta ipini zartaginean piper-zerrenda xukatuak eta berakatz-aleak, ongi banatuta.
  4. Eduki su txikian 20 minutuz gutxi gorabehera.
  5. Busti itzazu aurrez gordetako zukuaz eta labean sartu 30 minutuz.

Aholkuak

  • Piperrak labean sartzearen helburua da daukaten ura urritzea eta piperraren berezko azukrea kontzentratzea.
  • Entsalada prestatzeko erabili edo hotzean jan gura badituzu, ez duzu labean sartu beharrik, eta hala ere oso gozoak geratuko zaizkizu.
  • Berakatz-aleak oliotan sartu aurretik, emaiezu kolpetxo bat ireki daitezen eta honela olioa lurrin dezaten.
  • Aukeratu diametro handi samarreko zartagina, piperrak ez daitezen gehiegi pilatu.
  • Zartagina burdinazkoa bada eta laberako egokia, zuzenean sar dezakezu labean piperrak ontziz aldatu barik. Bestela, erabil ezazu ontzi beiraztatu bat.
  • Piper konfitatuak paregabeak dira txingarretako haragi edo arrainari laguntzeko, baita honako hauetakoren bat prestatzeko ere:
     
    • Entsalada freskoa oliotako hegaluze eta piper gorri konfitatuekin
    • Ogitartekoa edo broxeta curry saltsa, tipula marinatu, ardi-mihi, oliotako  hegaluze eta piper gorri konfitatuekin
    • Zartagin bat arrautza ekologiko, patata eta piper konfitatuekin
    • Udako entsalada tomate, tipulin eta baserriko letxuga, ogi-pusketa txigortu, oliba, albahaka eta piper gorri konfitatuekin

Sweet & Sour Blog-aren eskutik 

INICIAR SESIÓN

Produktua saskira sartu da

1