entro pro

Udazkeneko bizkotxoa, ezti eta intxaurrezkoa - BBK Azoka

Udazkeneko bizkotxoa, ezti eta intxaurrezkoa

Osagaiak (Gutxi gorabehera 22x10 cm-ko bizkotxo-molderako):

Prestaketa:

1. Aurrez berotu labea 180ºC-tan (beroa goian eta behean).

2. Labe-paperaz forratu moldea.

3. Irina, gasifikatzailea eta gatza nahastu eta bahetu. Gorde.

4. Hagatxoez edo irabiagailuaren palatxoaz edo, hala badagokio, zurezko koilaraz gurina irabiatu krematsu laga arte.

5. Erantsi eztia eta irabiatu integratu arte.

6. Gero jogurta erantsi eta irabiatu berriro integratu arte.

7. Joan arrautzak banan-banan eransten, eta erantsi ahala ongi irabiatu orean integratuta geratu arte.

8. Erantsi bainila-aterakina eta integratu.

9. Erantsi irin, gasifikatzaile eta gatz nahastura eta integratu.

10. Azkenik, erantsi intxaur txikituak oreari, ongi banatuz.

11. Bota orea molde forratura eta berdindu koilara busti baten atzealdeaz.

12. Labean eduki tenperatura ertainean, ordubete gutxi gorabehera edota erdian zotza sartu eta garbi atera arte

13. Labean eduki eta gero, laga hozten parrilla baten gainean eta atera moldetik.

14. Koilarakada bat lore-ezti eta intxaur edo fruitu lehor gehiago bota eta atera mahaira. Paregabea da goizeko edo arratsalde erdiko kafe edo tearekin hartzeko.

Aholkuak eta iradokizunak

  • Ez irabiatu gehiegi orea, osagaiak integratzeko behar baino ez. Bestela, zaildu egingo da.
  • Ordu erdi luzea igaro ostean bizkotxoa gehiegi txigortzen dela ikusiz gero, estali aluminio-paperaz.
  • Bizkotxo trinko eta hezea da, hainbat egunez ongi kontserbatzen dena aluminio-paperez estalita.
  • Bainila-aterakinaren ordez beste edozein aromatizatzaile erabil daiteke, adibidez kanela edo laranja-birrina.

 

Sweet&Sour Blog-aren eskutik

INICIAR SESIÓN

Produktua saskira sartu da

1 <