Udako entsalada Idiazabal gaztarekin

Idiazabal gazta ardi latxaren esneaz egiten da; ardi latxa Pirinioetako espezie tipikoa da, txikia eta landatarra;  buru ilun edo ilehoria du eta bazka-zikloetara oso ondo egokituta dago: neguan beheko haranetan eta gainerako urte-sasoietan goiko belardietan. Jeztea eskuz egiten da martxoa eta uztail artean.

Idiazabal gazta bere ñabardurak ahogozatzeko aukera ematen duen produktua da, bere zaporea, bizia eta orekatua, nahastezina baita.

Osagaiak:

• Eskarola
• Lollo (rosso)
• Treviso
• Haritz-hosto uraza
• Uraza arrunta
• Tipula
• Kuiatxo edo kalabazina
• Ozpina
• Patata
• Olioa
• Gatza
• Idiazabal gazta
• Almendra txigortu xaflatua

Prestatzeko modua:

Uraza edo letxuga motak nahastu patata fin-fin ebaki (pospolo eran) eta frijituarekin

Ondoren, gura legez maneatu olio, ozpin eta gatzaz.

Tipula uztai gisa ebaki eta kuiatxoak xaflatan, biak ere fin-fin.

Irin apur batean pasatu eta frijitu. Tipula-uztaiak eta kuiatxo-gurpilak letxuga gainean ipini gazta-xafla batzuekin batera eta azkenean almendra-xafla txigortuekin apaindu.