Sasoiko kiwi bizkotxoa

Osagaiak: (4 pax-entzat)

• 4 kiwi
• 125 g gurin suabe
• Kikaratxo bat (100 g) azukre
• 2 arrautza handi
• Kikaratxo bat (80 g) irin
• Koilaratxo bat legami
• Koilara bat azukre gehigarri
• Koilara bat azukre-hauts

Egitea:

• Bizkotxoa egiteko moldea (20 cm) gurinez igurtzi eta irin apur batez hautseztatu
• Berotu labea 180°Ctan.
• Nahastu gurina azukrearekin 3 minutuz, irabiagailua erabiliz.
• Erantsi arrautzak eta nahastu berriro.
• Ondoren, erantsi irina eta legamia, eta, irabiagailua  potentzia handienean dela, eragin eta nahastu orea 2 minutuz, dena ondo-ondo nahastuta egon arte.
• Ipini orea bizkotxoa egiteko moldean.
• Zuritu kiwiak eta ebaki lau zatitan.
• Lau zati horietako bakoitza ebaki erditik eta banatu nahastura osoan.
• Bota azukre apur bat frutaren gainean.
• Bizkotxoa labean sartu 50 minutuz, gorritu arte.
• Eginda dagoen edo ez jakiteko, sartu galtzorratza bizkotxoaren erdian.
• Orea orratzari eransten bazaio, laga bizkotxoari labean beste apur bat.
• Bizkotxoa prest dagoenean, utzi pausatzen beste 10 minutu.
• Ondoren, atera moldetik eta ipini ontzi hermetiko batean.
• Kiwi-bizkotxo hau postre edo azken buruko gozo-gozoa da, baina baita kafearekin hartzeko ere.
• Azukre-hautsa gainean botata ateratzen baduzu, are gozoagoa izango da.

Bizkaiko sasoiko produktuen errezetak
Laiene Jatetxea (Patxi Rincón)