Leka gorri eta Keia izokinez egindako bizkaitar entsalada

Osagaiak:

• 500 gr leka gorri zabalak
• 200 gr Keia izokina
• Oliba-olioa (“arbequina” edo “picual”)
• Bi patata
• Bi azenario
• Arrautza
• Añanako gatz-loreak

Egiteko modua:

1. Lekak ondo garbitu eta makilatan moztu*

*Makila edo bastoia angeluzuzeneko ebaketa da, 6-7 cm luze eta 1 cm zabal dena. Bi urratsetan egiten da: lehenengo xerretan ebaki eta gero makilak egin, uniformeak izan daitezen saiatuz.bakera

2. Egosi lekak lurrunetan:

Lurrunezko labea izanez gero, egin lekak 11ºC gradutan 7 minutuz. Horrela ez bada, ipini ura irakiten kazolan eta gainean sareta, lekek ura uki ez dezaten. 8 minutuz egosi, testura kontrolatuz.

Sekretua: Ez estali lekak, kolore guztia gorde dezaten.

3. Lekak ur hotz-hotzetan sartu.

Honela lortuko dugu beraien kolore eta testura guztia gordetzea, al dente geratuko dira eta hobeto hartuko diezue zaporea eta testura.

4. Egosi patatak, azenarioak eta arrautzak ere:

• Patatak: Egosi su txikitan 45 minutuz, apurtu ez daitezen. 100gr gatz erantsi litro ur bakoitzeko.
• Azenarioak: Zuritu eta pataten uretara bota egosteko azken 20 minutuetan.
• Arrautzak: 15 minutuz egosi su txikitan.

Utzi hozten, ahal bada bezperatik.

5. Ebaki patatak xerra finetan, azenarioak zeharka eta birrindu arrautza.

6. Moztu Keia izokina xerra finetan.

7. Platerean hurrenkera honetan aurkeztu:

• Patata-xerrak
• Azenario-xerrak
• Keia izokin xerrak
• Leka gorriak
• Añanako gatz-loreak

Amaitzeko zipriztindu olio-tantaz eta ozpinez gura legez.

Gura duenak, platerari letxuga erants diezaioke.

Laiene Jatetxearen eskutik