Foie (edo pate) pintxoa, sagar eta gerezi marmeladarekin

Osagaiak:

• 50 gramo foie gordina (horren ordez gibel-ore edo patea erabil daiteke)
• Koilarakada bat gerezi- eta sagar-marmelada   
• Koilarakada bat Modenako ozpin baltsamikozko krema
• Gesaltza Añanako gatz apur bat (malutak)

Egiteko modua:

Foie (edo patea) plantxan:

Plantxa edo zartagina oso bero dagoenean, bi aldeetatik arin kuzinatu foiea. Platerean ipini koilarakada bat gerezi- eta sagar-marmeladarekin, foie gainean maldon gatz apur bat ipini eta Modenako ozpin baltsamikozko kremaz apaindu.

Marmelada egiteko:

Osagaiak:

• 50 gr sagar eta 50 gr gerezi (purea)
• 25 gr azukre
• Limoi erdiaren ura

Egiteko modua:

1. Sagarrak zuritu, mutxikina kendu eta lauki txikitan moztu. Kazola batean jarri azukre eta limoi-urarekin, eta laga ordubete inguru beratzen.
2. Denbora hori igarota, ipini kazola su ertainean eta laga 35-40 minutu egosten, tarteka eragin edo nahastuz. Marmeladaren testura hartzen duenean, kendu kazola sutatik. Testura finagoa eta pikor bakoa gura bada, birrindu marmelada irabiagailuaz edo pure egitekoaz.

Laiene Jatetxearen eskutik