Babarrun zurien krema odolki pastelarekin

Osagaiak:

•          300 gr babarrun zuri beratuta

•          Ogi biribilaren erdia

•          Aza laurdena

•          Tipula bat

•          Azenario bat

•          3 berakatz-ale

•          Zallako tipuletazko 2 odoloste

•          Eskutada porru

•          2 arrautza

•          150 mililitro esnegain

Babarrun gorrien krema egitea:

1-        Berakatzak, tipula eta azenarioa txikitu eta sueztitzen ipini eltze lasterrean olio zurrustada txiki batekin.

2-        Erantsi babarrunak beratzeko erabili dugun urarekin. Ondu eta egosi 15 minutuz estalkia ipinita.

3-        Birrindu, iragazi eta aparte gorde.

Odoloste-pastela egitea:

1-        Odolosteari azala kendu eta motrailuan xehatu.

2-        Esnegain likidoarekin eta arrautzekin nahastu osagai guztiak batu arte. Esku-hagatxoz edo sardexkaren laguntzaz egin daiteke.

3-        Laberako egokia den molde bat hartu, gurinez koipeztatu eta aurreko puntuan prestaturiko odoloste-nahastura moldera bota.

4-        Odoloste-pastela labean sartu gutxi gorabehera ordubetez Maria bainuan (moldea ertz altuko azpil batean ipini eta urez estali moldearen erdiraino).

5-        Pastela prest egon baino minutu batzuk lehenago, hautaturiko ortuariak su bizian erregosi edo salteatu, gero laguntzeko aterako direnak.

6-        Moldetik atera eta odoloste-pastela zerbitzatu ortuari salteatuak gainean dituela (piper frijituekin ateratzea ere aukera bikaina izango litzateke).

Laiene jatetxearen eskutik