Alberjinia erre eta jogurteko dip edo saltsa

Osagaiak:

• Momoitio Baserria 2 alberjinia, osorik erreak
• 2 baratxuri ale, erreak
• Errotik behi jogurta, 2 koilarakada
• Tahine koilarakada bat
• Oliba-olio birjina estra, 2 koilarakada
• Limoi ura, koilarakada bat
• Kumino hautsa, koilarakada erdia
• Gatz eta piper eho berria
• Ezkai hostoak
• Perrexil fresko xehatua, apaintzeko

Egiteko era:

• Alberjiniak eta baratxuriak erretzeko:
  • Labea aurretik berotu 190 °C-tan, goitik eta behetik.
  • 2 alberjiniak garbitu eta ongi lehortu. Sardexka batekin ziztatu eta erretzeko erretilu batean jarri, baratxuri buru batekin eta ezkai freskoko adar batekin batera. Gainetik oliba-olio birjina estra pixka bat bota. Dena ordubete inguruz erre.
• Alberjinia hozten denean, erditik ireki eta koilara batekin mamia atera. Irabiagailuaren basoan jarri, osagai hauekin batera: 2 baratxuri ale erreak, jogurta, tahine saltsa, koilarakada bat oliba-olio, limoi ura, kumino hautsa, gatza, piperra eta ezkai hostoak. Dena birrindu, krema lodi bat lortu arte.
• Hozkailuan utzi, ordubetean gutxienez.
• Zerbitzatu perrexilez hautseztatuta eta barazki zotzak, ogi opiltxoak eta oliba beltzak gehituta.

Aholkuak eta iradokizunak:

• Pasta egosteko erabilitako ura ez bota: saltsa ugaritzeko balioko digu, beharrezkoa izanez gero.
• Alberjiniarekin hamaika konbinazio eta prestaera egin daitezke, eta horietako bat erretzea da, dip edo saltsa zoragarri hau prestatzeko.
• Osorik nahiz erdibituta erre daiteke, baita mamian diagonaletik ebaki batzuk eginda ere. Egokiagoa da osorik erre, horrela mamia ez delako lehortzen eta hobeto mantentzen delako saltsarako behar dugun testura krematsua.
• Osorik erretzen baduzu, ez ahaztu azalean ebaki edo ziztada batzuk egitea, erretzean lehertu ez dadin.
• Dip hau egiteko ez da beharrezkoa alberjinia erabat birrintzea, hobe da testura trinko eta lodi samarra edukitzea.
• Hoztean, saltsa loditu egingo da.

Sweet&Sour -aren eskutik