“Zenbat da?” lehiaketak aurrera jarraitzen du azokaz azoka eta Trapagarangoan ere izango da

Azaroaren 3an ohiko XXIII. Nekazaritza, Abeltzaintza eta Artisau Azoka izango da Zugaztietan, Trapagaranen. Azoka honek 23. edizioa beteko du 2024an, eta, beste behin ere, BBK Azoka bertan izango da lehen sektoreari laguntzen.

Gainera, azoka tradizional honetara hurbiltzen diren pertsonek “Zenbat da?” lehiaketaren 6. edizioan parte hartu ahal izango dute. Beraz, gure baserritarren beharra eta produktuen kalitatea balioesten dituen ekintza dibertigarri honetan parte hartzera gonbidatzen zaitugu.

 

“Zenbat da?” Zugaztietan

 “Zenbat da?” lehiaketa-formatuan egiten da, eta bertan BBK Azokako etxolaren batean produkturen bat erosten duten guztiek parte har dezakete. Erosketarekin batera, parte hartzeko tiket edo txartela emango zaie.

Tiket horretan, BBK Azokak goiz osoan zehar bere etxolan erakutsiko duen produktu-saskiak beren ustez duen prezioa adierazi beharko dute parte-hartzaileek. Saskiak BBK Azokako baserritarren ustiategietako produktu-sorta zabala izango du.

Eta nork irabaziko du lehiaketa? Saskiaren prezio zehatza asmatzen duenak edo, halakorik ezean, gainditu gabe gehien hurbiltzen denak.

Parte hartzeko tiket guztiak batu eta berrikusi ostean, azaroaren 8an jakinaraziko da “Zenbat da?” honen irabazlea.

 “Zenbat da?” lehiaketak ikusmin handia pizten du antolatzen dugun tokian. Tarte dibertigarri bat igaro nahi baduzu, zatoz Zugaztietako Nekazaritza, Abeltzaintza eta Artisau Azokara.

 

Produktuen zerrenda

Zugaztietako azoka honetan, “Zenbat da?” saskiak 29 produktu izango ditu. Hemen duzu zerrenda, kalkuluak egiten hasi gura baduzu.

Sagardo naturala botila / ETXEBARRIA   Etxebarria

Erdikoetxe txakolina / ERDIKOETXE Erdikoetxe

Magalarte txakolina / MAGALARTE Magalarte Upategia

Uxual-krema berezia botila / LICORES LUJO Licores lujo

Etxeko patxarana botila / LICORES LUJO Licores lujo

Tosta garagardoa: English Brown Ale (6 botilatxo) / BOGA GARAGARDOA Boga Garagardoa

Antzara-gibel mousse trufatua 130gr. / ESKUOLA   Eskuola

Ahate-urdaiazpikoa 100gr. / ESKUOLA Eskuola

Behi-zezina xerrak 350 gr. / LOMBERA Lombera

Txorizoa piperrarekin / LOIUKO Loiuko

Tomate ekologikoa kontserban / GOREKO Goreko

Olio ketua 250cl. / KEIA Keia

Barraskiloak saltsan 600gr. / LANDAK KARAKOLAK Landak Karakolak

“LEARTIBAI” Bizkaiko saltsa 350gr. / LANEKO Laneko

Azenario- eta curry-patea 106gr. / OLATXUKO LABOREAK Olatxuko Laboreak

Alberjinia- eta tomate-patea 106gr. / OLATXUKO LABOREAK Olatxuko Laboreak

Irasagar-gozokia 370gr. / SANTA CLARA BASERRIA Santa Clara baserria

Kokoak 1/2 kg. / SARATXAGA EGUR-LABEA Saratxaga

Antxoa-gildak / LA GILDA DEL NORTE La Gilda del Norte

Txokolate esneduna erregaliz eta bioletekin 70gr. / KAITXO Kaitxo

Hegaluzea 400gr. / URDAIBAI KONTSERBAK   Urdaibai kontserbak

Eskabetxeko atun-patea 3x85gr.ko packa / URDAIBAI KONTSERBAK Urdaibai kontserbak

Intxaurrak 1kg /  UXARBEITI BASERRIA   Uxarbeiti baserria

Gernikako babarrunak 1kg. / UXARBEITI BASERRIA Uxarbeiti baserria

Onandi 1/2 Idiazabal gazta / ONANDI   Onandi

Pedro Gallarreta txilar-eztia 1kg / PEDRO GALLARRETA   Pedro Gallarreta

La rotura Zallako tipula morea 1 kg / LA ROTURA   La Rotura

Marrubi eta mugurdi-marmelada packa / BIOZAKI Biozaki

 

“Zenbat da?” lehiaketan parte hartzeko oinarriak

Kontsultatu hemen “Zenbat da?” lehiaketaren oinarri osoak

 

Zugaztietako Nekazaritza, Abeltzaintza eta Artisau azoka

Azaroaren 3an Zugaztietako XXIII. Nekazaritza, Abeltzaintza eta Artisau Azoka izango da. Meatzaldeko herri horretan ia 40 erakusketari elkartuko dira, eta iaztik, gazta eta txakolin postuak gehitu zaizkie horiei.

Lehen sektoreko produktuen azokaz gain (barazki edo ortuariak, fruta, gazta, ogia, txakolina eta gozogintzako produktuak), etxoletan artisautza-azoka eta abere-erakusketa ere izaten dira. Eta, aldi berean, dastatzeak, umeentzako tailerrak eta herri-kirolen erakustaldiak antolatzen dira.