“Zenbat da?” lehiaketa bigarren urtez egingo da urriko azken astelehenean Gernikan

Urriko azken astelehenekoa lehen sektoreko azoken ezinbesteko hitzorduetako bat izaten da. Horregatik, data horretan, hain zuzen, “Zenbat da?” lehiaketa abiarazi genuen 2023an. Arrakasta handia izan du hasieratik eta edizio honetan Gernikan urriko azken astelehenean errepikatuko dugu. Urriaren 28an izango da eta parte hartzera gonbidatzen zaitugu.

Gernikan lehen aldiz egin ostean, geroztik “Zenbat da?” ekintza parte-hartzailea 2023ko San Tomaseko edizio berezian ere egin genuen, Bermeoko Arrain Azokan joan den maiatzean, eta Muskizko azokan, irailaren 15ean.

 “Zenbat da?” ekimenak ekoizle edo baserritarren lana aldarrikatzen eta ikusarazten du, era ludiko eta parte-hartzailean.

 “Zenbat da?” Gernikan

 “Zenbat da?” lehiaketa-moduko ekintza parte-hartzailea da, azoka bisitatzera gonbidatzen du jendea, eta goiz osoan zehar ikusgai egongo den BBK Azoka produktu-saskiaren prezio zehatza asmatzera animatzen ditu BBK Azokako postuetan produkturen bat erosten dutenak.

Saskia mota askotako produktuek osatuko dute, guztiak BBK Azokako baserritarren ustiategietakoak.

Parte-hartzaileek saskiaren prezio zehatza asmatzen saiatu behar dute, edo ahalik eta gehien hurbildu, gainditu barik. Asmatzen duenak produktuen lote osoa eroango du. Erosketa egitean, parte hartzeko tiket bat jasoko dute, eta bertan loteari kalkulatzen dioten prezioa eta datu pertsonalak bete behar dituzte.

Jardunaldiaren amaieran, parte hartu duten tiket guztiak jasoko dira. Eta azaroaren 5ean jakinaraziko da irabazlea, lotearen prezio zehatza asmatu duena.

 “Zenbat da?” lehiaketak arrakasta handia lortu du Gernikan, Bilbon, Bermeon eta Muskizen egin ditugun lau edizioetan.

Animatuko zara Gernikan parte hartu eta ondo pasatzera?

Produktuen zerrenda

Saskiaren prezioa asmatzen lagunduko dizugu, aldez aurretik saskia osatuko duten produktuen zerrenda emanez. Oraingo honetan 40 izango dira:

“Zenbat da?” lehiaketan parte hartzeko oinarriak

Kontsultatu hemen “Zenbat da?” lehiaketaren oinarri osoak

Urriko azken astelehena, hitzordu handia Gernikan

Urriko azken astelehenean, Bizkaiko nekazaritza-ekoizpenaren epizentroa izango da Gernika. Bere ohiko azoka Euskadiko garrantzitsuenetako bat da eta eskualde osoko ekoizle eta erosleak erakartzen ditu, bertako eta sasoiko produktuen zaleentzat ezinbesteko hitzordu bihurtuz.

Azoka honetan, Bizkaiko lurretan landutako produktu freskoak eta kalitatezkoak aurkituko dituzu. Sasoiko frutak eta barazkiak, ortuariak, lekaleak eta esnekiak, zure jakitegia gure lurraldeko zapore onenekin betetzeko behar duzun guztia.